Ferrol e as comarcas de Ferrolterra, Eume e Ortegal ofrecen infinitas praias, tanto de ría como de mar aberto. Pódese gozar de pequenas e tranquilas calas até grandes areais. Destacan na zona até 12 praias de bandeira azul: Esmelle, San Xurxo, Covas e Doniños en Ferrol, A Frouxeira, O Rodo (Pantín), O Valeo, Villarrube e a praia do Río ( Meirás) en Valdoviño e Morouzos e A Concha ( Espasante) en Ortigueira.