As comarcas de Ferrolterra, Eume e Ortegal, cos seus 20 concellos, ocupan a área xeográfica da Galicia máis nor-occidental. Unha extensión con gran riqueza natural, patrimonial, empresarial e humana.

Ferrolterra: Esta comarca compona os municipios de Ferrol, Narón, Neda, Fene, Ares, Mugardos, Valdoviño, As Somozas, San Sadurniño, Moeche e Cedeira. Cunha poboación superior aos 200.000 habitantes, conforma a terceira área metropolitana máis poboada de Galicia.

Eume: Forman parte desta comarca os municipios de Pontedeume, Cabanas, A Capela, As Pontes e Monfero. Todos eles están presididos polo poderoso río Eume que xera ao seu paso riqueza e poderío a todos os niveis.

Ortegal: Os seus municipios son Ortigueira, Cariño, Mañón e Cerdido. Bañadas polo mar Cantábrico, son fieis testemuñas da historia máis ancestral de Galicia.

A unión destas tres comarcas conforman un destino turístico de enorme atractivo, onde poderemos atopar espectaculares paisaxes de mar e montaña. Desde enormes praias, aínda salvaxes, até o bosque atlántico costeiro mellor conservado de Europa ou os cantiis máis altos da Europa continental.